Во Охрид ќе се прават патеки за слепи лица

Патека за слепи во ОхридВо Охрид ќе се прават патеки за слепи лица. Овој проект ќе го реализира Министерството за труд и социјална политика  во соработка со Сојузот  на слепи на РМ. Покрај во Охрид вакви патеки веќе се прават во Скопје, а ќе се направат и во Битола. Проектот чини околу 30 000 евра. Во Охрид вакви патеки планирано е да се постават до сите институвии во градов како и по кејот на езерото. Славчо Џајкоски, секретарот на Здружението на слепи лица од Охрид вели дека ваквата иницијатива е одлична бидејќи слепите лица и лицата со оштетен вид најчесто доколку сакаат да се движат низ градов тоа го прават со придружба.

Средба на слепите од Тетово со претставници на ЛОЈА

Соработка со ЛОЈАНеколку членови овој месец беа во посета на балканската организација Лоја, поканети од страна на нивни претставници. Центарот за балканска соработка ЛОЈА е невладина, непрофитна организација без политичка припадност. Нејзините главни активности се во областа на образованието и културата. Едукативните активности Лоја се одржуваат на формалните институционално ниво и неформално локално ниво. Културните активности Лоја се посветени за подобрување на културниот и социјалниот живот и меѓуетничките односи во Македонија и Балканот.