Креативна работилница УМЕТНОСТА НА РАКАТА

1Националниот сојуз на слепите на Република Македонија во рамките на своите програмски активности во РХ Ресурсниот центар во Скопје организираше и спроведе во соработка со Американскиот совет за меѓународно образование креативна вајарска работилница УМЕТНОСТА НА РАКАТА која се одржа во деловните простории на реха центарот во Скопје.

На истата заинтересираните учесници имаа можност да изработуваат глинени производи кои беа нивна инспирација под раководство на ликовен уметник и на вајар.
Рачните изработки по сушењето беа предадени на лакирање и истите беа изложени на коктел изложба во Јавна Соба во Скопје.

Прошетка до манастир Св. Ѓорѓија с. Ореше

1Членовите од Здружението на слепи лица на град Неготино беа на еднодневна прошетка на ден 04.08.2019г.(Недела) во местото с. Ореше каде што посетија дел од убавините на ова село.

Прво се посети манастирот Св.Ѓорѓија и убавите конаци а исто така беше посетена и црквата Св.Ѓорѓија по кое што е познат и овој манастир. Подоцна групата се упати кон Орешките водопади кои се сместени во густите шуми во пределот под Солунска Глава. Воодушевени од глетката и чистиот воздух членовите се задржаа повеќе во овој дел. Навраќање поминавме  низ с.Богомила каде што се посети Римскиот Мост а потоа го прошетавме и градот Велес.

Меѓународен семинар за жени во Обзор - Бугарија

1Националниот сојуз на слепите на Република Македонија согласно Програмата за работа за 2019 година во периодот од 12.08.2019 година до 17.08.2019 година во соработка со Сојузот на слепите на Република Бугарија Регионална организација во Софија организираше за 50 припаднички на понежниот пол Меѓународни бањско климатски рекреативни средби односно Меѓународен семинар за жени. Истиот се одржа во туристичкото летувалиште на слепите од Република Бугарија, Обзор.На истиот покрај присуството на 50 слепи и слабовидни лица од Македонија учество зедоа и 50 слепи и слабовидни лица од Софиското здружение на слепите.

Повеќе артикли...