Во Велес промовирано аудио издание на Рациновите „Бели мугри“

2Во чест на Коста Солев Рацин и неговата безвремена поезија, Здружението на слепите лица на Општина Велес и Локалната библиотека „Гоце Делчев“ - Велес на 28 ноември годинава промовираа аудио издание на збирката „Бели мугри“.

Како што истакна во своето обраќање Игор Крајчев, директор на локалната библиотека „Гоце Делчев“, промоцијата на исклучително значајното аудио издание на „Бели мугри“ не случајно се поклопува со 79 годишнината од објавувањето на „Бели мугри“. Ова издание за првпат овозможува слепите лица во целост да имаат пристап до Рациновата збирка, рече Крајчев.

Во присуство на градоначалникот Аце Коцевски, претставници на Друштвото на писателите на Македонија и македонскиот ПЕН Центар, на промоцијата за значењето на Рациновите „Бели Мугри“ говореше Проф. д-р Весна Мојсова-Чепишевска.

Меѓународна конференција Предизвици, потреби и услови на професијата физиотерапевт кај лицата со оштетен вид во Земјите од Западен Балкан

1Националниот сојуз на слепите на Република Македонија во изминатиот викенд од 23.11.2018 година до 25.11.2018 година во соработка со своите партнер организации Сојузите на слепи од Р.Српска, Србија, Бугарија-Регионална организација-Софија, Црна Гора и Албанија како и финансиерот на проектот Европскиот сојуз на слепите-чија полноправна членка се наведените организации органиираше и спроведе Меѓународна конференција Предизвици, потреби и услови на професијата физиотерапевт кај лицата со оштетен вид во Земјите од Западен Балкан.

Склучен Меморандум за соработка помеѓу Националниот сојуз на слепите на Република Македонија и Арапскиот сојуз на слепи

logoНационалниот сојуз на слепите на Република Македонија на 21.11.2018 година склучи Меморандум за соработка со Арапскиот сојуз на слепите.

Меморандумот за соработка од страна на Националниот сојуз на слепите на Република Македонија го потпиша претседателот на НССРМ г-дин Селковски Жарко, а од страна на Арапскиот сојуз на слепите го потпиша Др.Халед Али Ал-Наеми.
Двете страни оценија дека во своите цели,задачи и активности  имаат области во кои можат да соработуваат во остварување на своите мисии.

 

 

Повеќе артикли...