Работилница во Кочани

Работилница во КочаниЧленови од здружението на слепите лица-Кочани на ден 02.06.2016г на покана од општинската организација на Црвен Крст - Кочани присуствуваа на работилницата на тема "Стоп за рамнодушноста-да ја поттикнеме хуманоста" која се одржа во салата на Локалната Самоуправа во Кочани. Целта на работилницата беше да се направи пресек и презентација на следниве активности за која е поставена организацијата на Црвениот Крст како што е спречување и ублажување на човековото страдање каде и да е, да го заштити животот и здравјето, да обезбеди почит и достоинство за човековото битие, особено за време на вооружени конфликти, несреќи и катастрофи, да работи на превенција на болестите и напредување на здравствена и социјална добросостојба на луѓето, да поттикне доброволно ангажирање и постојана подготвеност за давање помош, како и универзално чувство за солидарност и хуманост.

Слепите лица од Кочани во посета на Лесновскиот Манастир

Лесновски манастирНа ден 29.05.2016 година Здружението на слепите лица од Кочани организираше еднодневен излет за своите членови во посета на Лесновскиот Манастир. Во раните утрински часови , 63 члена на здружението со автобус  тргнаа на излет  во весело и убаво  расположение.   Во текот на денот  членовите имаа можност  да го   разгледаат  манастирот  и целиот манастирски  комплекс  со убаво уредениот манастирски  двор. Сакајќи да им ја доближиме убавината и духовното богатство од овие простори од нашата земја ,заедничкото дружење на нашите членови продолжи со посета на манастирот  Св. Спириндон Чудотворец  кој се наоѓа во близина на Злетово.   

Учество на Манифестацијата „Етно вешта жена”

Марков манастир - Вешта женаНа 29.05.2016 година,во Марков Манастир во Скопје се организираше манивестацијата” Етно вешта жена” на која вештите жени, од Здружението на слепи и лица со оштетен вид Скопје зедоа учество. Не радува, фактот што помеѓу вештите жени од 15 града од Македонија, учествуваа  и  жени од нашето Здружение. За да ги оправдат пофалбите од предходните заеднички настапувања на ваквите манивестации ,членките од Здружението се потрудија,нашата маса   по квалитет , декорација и квантитет, на изложеното да биде уживање како за очите, така и за вкусовите,на присутните.Како здружение ,често сме во ситуација да бараме спонзорство за нашите активности, но овој пат сме горди што преку породажбата на нашите изработки придонесовме за зголемување на паричните средства кој ќе бидат донирани во Марков манастир.

Повеќе артикли...