Резултат од 15-та Шаховска олимпијада за слепи и лица со оштетен вид – Охрид 2017

На 28.06.2017 година по изиграни 9 кола по Швајцарски систем на Шаховска игра дојдовме и до свеченото затворање на 15-та Шаховска олимпијада за слепи и лица со оштетен вид 2017 година организирана од страна на Националниот сојуз на слепите на Република Македонија, Националната спортска федерација на слепите на Македонија и Меѓународната Брајова Шаховска Асоцијација ИБЦА, а под генерално покровителство на Агенцијата за млади и спорт на Република Македонија, Министерството за труд и социјална политика на Република Македонија и Претседателот на Република Македонија, секако со неизмерна поддршка и од нашите ценети помагатели: Општина Охрид, Град Скопје, Дрисла-Скопје ДОО, Пивара Скопје, Алкалоид АД Скопје, Кожувчанка Кавадарци, Лајонс Дистрикт Македонија 132, Македонски Олимписки Комитет и Црвениот крст на Град Скопје, кои допринесоа Шаховската олимпијада да биде на највисоко можно ниво за настан од тој ранг, а нашата држава како домаќин да биде претставена во најдобро светло.

https://youtu.be/JFAtcTZ9F_Q

Најдобри на Шаховската олимпијада со освоено прво место и златен пехар беа репрезентативците на Русија, второто место и сребрен пехар и припадна на Украина, додека третото место и бронзен пехар на 15-та Шаховска олимпијада за слепи и лица со оштетен вид 2017 и припадна на репрезентацијата на Полска.

Им честитаме на најдобрите, а на нашите генерални покровители и помагатели искрено им се заблагодаруваме за несебичната и неизмерна поддршка која ни ја дадоа за што подобра организација на 15-та Шаховска олимпијада за слепи и лица со оштетен вид 2017.

Final Ranking after 9 Rounds